खेळता येईना… क्रीडांगण करिता साकडे

प्रतिनिधी खारघर

खारघर सेक्टर 35 एच मधील प्लॉट नंबर एक, सिडकोच्या मास्टर प्लॅन प्रमाणे, ओपन स्पेस व खेळण्याकरिता आरक्षित घोषित भूखंड, नुकताच हा प्लॉट सिडकोने पनवेल महानगरपालिका प्रशासनाला हस्तांतरितही केला गेला आहे.

ह्याच पार्श्वभूमीवर, मुलांना खेळण्याकरिता तथा विरंगुळा मिळण्याठी एक उत्तम क्रीडांगण मिळेल या आशेने नागरिकांनी या प्लॉट सभोवताली वसलेल्या अनेक ग्रह संकुलामध्ये सदनिका विकत घेतल्या.

मात्र जेव्हा -जेव्हा नागरिक अथवा लहान मुले इकडे खेळण्याचा प्रयत्न करीत आहेत तेव्हा-तेव्हा स्थानिक मंडळी त्यांना शिवीगाळ करून, दमदाटी करून, खेळण्यासाठी वापरण्यास मज्जाव करत असल्याने, नागरिकांमध्ये प्रचंड नाराजी आहे.

पनवेल महानगरपालिकांनी लावलेला आपल्या मालकी हक्काचा बोर्ड ही ह्या प्लॉट वरून रातोरात गायब केला गेला
या गोष्टीची गंभीर दखल घेत शिंदे गटाचे, खारघर शहर संघटक इम्तियाज शेख यांनी महानगर संघटक क्षेत्र पनवेल मंगेश रानवडे यांच्या निदर्शनास येताच बाळासाहेब यांची शिवसेना गठाचे नेते रामदास शेवाळे यांनी दिनांक 7 नोव्हेंबर रोजी, पनवेल महानगरपालिकेचे आयुक्त गणेश देशमुख यांना याबाबत पूर्ण माहिती व सखोल चर्चाही केली. या चर्चा बैठक मध्ये मंगेश रानडे व इम्तियाज शेख, मुनाफ अमिराली, झोयेब शेख उपस्थित होते.

पनवेल महानगरपालिकेने या जागी आपला मालकीचा बोर्ड लावून, व येथील नागरिकांना या प्लॉटमध्ये क्रीडांगण म्हणून वापरण्याची लवकरात लवकर देण्याचे मागणी शिंदे गटाने निवेदन पत्र मार्फत केली.