उद्योजक पालकांना प्रोत्साहन देण्यासाठी  ”उद्यमलक्ष्मी” उपक्रमाचे आयोजन

”उद्यमलक्ष्मी” उपक्रम संपन्न

नवीन पनवेल :  फडके विद्यालयातर्फे;  परिसरातील लघुउद्योगांना बळ देण्यासाठी तसेच विद्यालयातील होतकरू उद्योजक पालकांना प्रोत्साहन देण्यासाठी  ”उद्यमलक्ष्मी” उपक्रमाचे आयोजन करण्यात आले. या उद्घाटन सोहळ्याला रा. स्व. संघाचे शहर संघटक दादा जोशी, नवीन पनवेल ब्राह्मण सभेच्या अध्यक्ष  दिपाली जोशी, ज्येष्ठ उद्योजिका व सिने-नाट्य अभिनेत्री प्रज्ञा पेंडसे, पर्यवेक्षिका समिता सोमण,  मुख्याध्यापिका निशा देवरे, शीतल साळुंखे, मनिषा महाजन आदी मान्यवर  उपस्थित होते.  प्रीती धोपाटे यानी कार्यक्रमाचे सूत्रसंचालन केले.

उपस्थितांशी संवाद साधताना दिपाली जोशी म्हणाल्या,  ‘व्यावसायिक प्रगतीसाठी चिकाटी, परिश्रम, कल्पकता यांची आवश्यकता आहे. उद्योग विकासासाठी या उपक्रमाचे आयोजन केल्याबद्दल फडके विद्यालयाचे त्यानी कौतुक केले व अशा मेळाव्यांतून लघुउद्योगांना प्रोत्साहन मिळते’ असे प्रतिपादन केले. साड्या, कुर्तीज, पर्सेस, ज्वेलरी, आयुर्वेदिक उत्पादने, उटणे, पणत्या, गृहोपयोगी वस्तू, खाद्यपदार्थ अशा विविध प्रकारचे स्टॉल याठिकाणी लावले गेले.